Author Archive

Ein bleikja í Tungufljóti

Tungufljót á góðum degi

Í þessu líka blíðskapar veðri var lagt af stað í árlegan könnunarleiðangur í Tungufljót fyrir landi Bergstaða. Að vanda var áin ísköld en einstaklega tær. Helst bar fyrir augu sóðaskap eftir golfara en golfkúlur eru niður eftir allri á. Í stuttu máli þá sást ein bleikja á einum helsta laxveiðistaðnum annars var engan fisk að finna.
2.8.2012


Enginn fiskur í Tungufljóti.

Litið yfir Tungufljótið

Litið yfir Tungufljótið

Síðustu 10 árin hefur reglulegað verið kafað niður Tungufljótið fyrir landi Bergstaða í þeim tilgangi meðal annars að kanna með hvort það sé kominn fiskur og hvar hann heldur sig. Fyrstu árin var hægt að ganga að bleikjunni vísri á sínum stöðum en það breyttist efti að laxinum var sturtað í ánna. Í vikunni var kafað niður ánna, skyggni var gott og helstu veiðistaðir skoðaðir sérstaklega, því miður var áin líflaus auðn – ekki einn einasti fiskur. Á þeim stöðum þar sem bleikjan hefur haldið sig var ekkert að sjá.


Dómur í máli S-521/2010

Fallið hefur dómur í máli S-521/2010.

Ár 2011, föstudaginn 10.júní, er á dómþingi Héraðsdóms Suðurlands, sem háð er að Austurvegi 4, Selfossi, kveðinn upp í máli nr. S-521/2010:

Ákæruvaldið (ÓLafur Helgi Kjartansson, lögreglustjóri)
gegn
Ólafi J. Bjarnasyni og Ásu Einarsdóttur
(Arnar Þór Jónsson hrl.)

Svofelldur dómur:

Mál þetta, sem þingfest var þann 9. desember sl., er höfðað með ákæru lögreglustjórans á Selfossi dagsettri 3. nóvember 2010 á hendur Ólafi J. Bjarnasyni, og Ásu Einarsdóttur

Hægt er að nálgast dóm Héraðsdóms Suðurlands 10.06.11 í heild sinni hér – Dómur Héraðsdóms Suðurlands 10.06.11 (pdf 8MB) eða undir flokknum Greinar.


Fundargerð VÁ 2011 með viðhengi

Fundargerð VÁ frá 28.04.2011 er komin inn á Fundargerðir, sem og viðhengi við fundargerð, þar sem ekki var sett inn í fundargerð það sem Gunnar Briem ræddi um lagaramma stofnana veiðideilda og fleira.  Viðhengið má finna hér


Úrskurður Héraðsdóms Suðurlands

Sigurður G. Gíslason héraðsdómari kveður upp úrskurð þennan.
Úrskurðarorð:
Ákæru í máli þessu er vísað frá dómi.
Málsvarnarlaun skipaðs verjanda ákærðu, Arnars Þórs Jónssonar hdl., kr.
150.000, greiðast úr ríkissjóði.
Sigurður G. Gíslason

Nýr veiðivörður

Oddviti Bláskógabyggðar Drífa kynnti fyrir Ólafi J. nýjan veiðivörð – nafn hans er Heimir Davíðsson – símanúmer nýja veiðivarðarins er 8615410, hann keyrir á Dodge Ramcharger Double Cab bifreið. Gott er að hafa númerið hans til að tilkynna veiðþjófnað í landi Bergstaða en samkvæmt veiðilögum er aðeins um veiðiþjófnað að ræða, þegar veitt er í óleyfi í eða fyrir landi annars manns.


Veiðimenn í Tungufljóti athugið:

Öll veiði í Tungufljóti fyrir landi  Bergstaða er  óheimil öðrum en landeigendum.   Á nýjum veiðikortum Lax-á ehf er þessa ekki
getið.  Útgefin kort frá Lax-á hafa ekki verið útbúin með leyfi landeigenda.  Vinsamlega virðið þessi tilmæli svo komist verði hjá óþægindum.

All angling in Tungufljot river within the property of Bergstadir is prohibited to others than landowners.
Published maps by Lax-á do not indicate these restrictions and the maps haven´t been made with the approval and consent of landowners.
Please respect this message in order avoid problems.

Fyrstu fiskarnir komnir á land

Lolli og Gummi 1975

Stoltir frændur með flottann feng.

Fyrsti fiskurinn kom úr Tungufljótinu á sunnudag (27.06.10), en veiði hófst á Bergstöðum þann sama dag. Ekkert var farið í ánna fyrir hádegi en seinnipartinn var farið niður á neðri staðinn og  prófað að renna fyrir. Ekki var að sjá neitt líf – engin stökk eða veltingur. Dregnir voru þrír fiskar á land fyrst 5 kg hrygna, svo 2 kg bleikja og að lokum 1,5 kg laxatittur. Veðrið var stillt og gott og mikið fuglalíf núna við ánna. Á myndinni er undirritaður ásamt Lolla – en myndin er tekin fyrir nokkrum árum eftir frækna veiðiferð í Tungufljótið.  GTO.


Veiðidagar

Fjölbreytt veiði

Fagur fiskur úr Tungufljóti

Viðbót við síðuna, Veiðidagar, allt varðandi veiði í Tungufljóti fyrir landi Bergstaða.

Veiði hefst sun. 27.06.10
Í skjalinu er að finna skiptingu á veiði í Tungufljóti fyrir landi Bergstaða.  Munið að mikilvægt er að mæla og skrá allan afla.
Um helgar eru þrír eignahlutar með eina stöng hver  að veiða á þremur stöðum Á virkum dögum eru tveir eignarhlutar að veiða á hverjum tíma sá sem er á svæði 1 er með eina stöng, sá sem er á svæði tvö hefur tvær stangir og veiðir á veiðistað nr. 2 og 3.
Ekki er hægt að framselja veiði  til utanaðkomandi, einhver frá eignaraðila verður að vera á staðnum þegar veitt er.
Vinsamlega athugið að skiptingin getur breyst og kynnið ykkur því reglulega veiðiskiptinguna í skjalinu góða

Copyright © 1996-2010 Tungufljót. All rights reserved.